ममता महाजन
ममता महाजन या संवेदनशील कलाकार आहेत. त्या चित्रकला, ब्लॉक प्रिंटिंग, शिवणकाम, भरतकाम आणि विणकाम यांतून विविध प्रकारच्या कलाकृती तयार करतात. त्या वेगवेगळ्या माध्यमांचा वापर करून कलाकुसर (क्राफ्ट) करतात. नव्या पद्धतीचे पदार्थ शिकणे, योग आणि प्रवास हे त्यांच्या आवडीचे विषय आहेत. त्यांनी आय पी एच या ठाणे येथील संस्थेमध्ये व्यवस्थापक म्हणून काम केले आहे. त्या पुणे येथे राहतात.
तपस : आई-बाबांचे दुसरे घर (Tapas : My Parents’ Second Home)
आई-वडील वृद्ध झाले आणि ती दोघेच राहत असतील तर त्यांच्या काळजीने मुलींचा जीव व्याकूळ होणारच ! पण त्यांना त्यांचा संसार असतो, संसारातील चढउतार पार करताना, आई-बाबांकडे जसे लक्ष देण्यास हवे तसे लक्ष मुलगा-मुलगी देऊ शकत नसल्याने त्यांच्याही मनाची उलघाल होत असते. त्यांना घर सोडून दुसरीकडे ठेवावे का? या अनुच्चारित प्रश्नामुळेदेखील मन अपराधाने खात राहते. अशा प्रसंगी निर्णय काय घ्यावा? कसा घ्यावा? याबाबत ममता महाजन यांनी लिहिलेला त्यांचा हा अनुभव द्विधा मनस्थितीत असलेल्या अनेकांना विचार करण्यास मदत करेल...