मैत्रेयी पंडित-दांडेकर
मैत्रेयी पंडित-दांडेकर या अमेरिकेच्या बे एरियात राहतात. त्या पुण्याच्या कमिन्स कॉलेजमधून इंस्ट्रुमेंटेशन इंजिनीयर झाल्या. त्यांनी बायो मेडिकल इंजिनीयरिंगमधील पदव्युत्तर शिक्षण अमेरिकेत घेतले. त्या औषधी कंपनीत बायोमेडिकल इंजिनीयर म्हणून नोकरी करतात. त्यांना दोन लहान मुली आहेत. मराठी-इंग्रजीत लेखन, ‘पॉटरी’ हे त्यांचे छंद आहेत.
दाभोळचे बिनखुर्चीचे डॉक्टर मधुकर लुकतुके (Dabhol’s Doctor Madhukar Luktuke)
डॉ. मधुकर लुकतुके यांचा दाभोळचा दवाखाना गेल्या सहा दशकांपासून चालू आहे. दाभोळ पंचक्रोशीतील रहिवासी वैद्यकीय उपचार आणि सल्ला यांसाठी त्यांच्याकडे एखाद्या पर्यटन स्थळाप्रमाणे सहकुटुंब गर्दी करतात. वैद्यकीय पर्यटन ही संकल्पना बहुदा तेथे जन्माला आली असावी ! डॉक्टर हे माझे आजोबा. आम्ही त्यांना ‘जोजो’ म्हणतो. जोजोंनी मेडिकल ऑफिसर म्हणून ‘पोस्टिंग’ मुद्दाम लहानशा खेड्यात मागून घेतले. असे ते 1960 साली दाभोळला पोचले आणि तेथीलच झाले...