अविनाश चिंचवडकर

अविनाश चिंचवडकर यांचे शिक्षण बी.ई. (मेकॅनिकल) झाले, पण ते संगणकक्षेत्रात नामवंत कंपनीत उच्चपदस्थ अधिकारी आहेत. त्यानिमित्त त्यांचे वास्तव्य बऱ्याच देशांत व भारतात बंगलोर येथे झालेले आहे. सध्या हेग-नेदरलँड्स येथे. त्यांनी गझलेसह अनेक साहित्य प्रकारांत विपुल लेखन केले आहे. पण विनोदी, हलकेफुलके लेखन ही त्यांची विशेष पसंती. त्यांची तीन पुस्तके प्रसिद्ध आहेत. त्याखेरीस त्यांचे विविध तऱ्हेचे स्फूट लेखन व गीत लेखन चालू असते. त्यांची गीते रेकॉर्डही झाली आहेत. त्यांना विविध पुरस्कार व सन्मान लाभले आहेत.