वृंदा भार्गवे
वृंदा भार्गवे नाशिक येथील गोखले एज्युकेशनच्या एचपीटी महाविद्यालयात पत्रकारिता विभागप्रमुख म्हणून कार्यरत आहेत. त्या मराठी विषयाच्या निवृत्त प्राध्यापकही आहेत. वृंदा यांनी साहित्यवेध या प्राध्यापक वसंत कानेटकर गौरव अंकाचे संपादन, पीपल अनलाईक अस इंडिया दॅट इज इनव्हिजिबल या ग्रंथाचा ‘मूक वेदना काळोखातील भारताची’ हा अनुवाद तसेच, एक वजा क्षण हा कथासंग्रह, व्हाय नॉट आय ही कादंबरी आणि मनाचा हरवलेला पासवर्ड हा दीर्घ कथासंग्रह असे विविध साहित्य प्रकाशित झाले आहे. त्यांना डॉ.अ.वा.वर्टी आणि अनंत फंदी असे पुरस्कार लाभले आहेत. त्यांनी महत्त्वाच्या वृत्तपत्रांत आणि मासिकांत सदर लेखन केले आहे. वृंदा या उत्कृष्ट निवेदक आणि वक्ता म्हणून परिचित आहेत. त्यांनी साहित्यिक, कलावंत आणि पत्रकार यांच्या जाहीर मुलाखती घेतल्या आहेत.
सामुदायिक आनंदाची नाशिकची दिवाळी
नाशिक हे मंदिरांचे गाव. तेथे असंख्य आळ्या, पेठा नि वाडे. तेथे ‘दिवाळी तोंडावर आली’ हा शब्दप्रयोग ऐकू येई तो भाजणीच्या खरपूस वासानं ! पूर्वी देवदिवाळी ही नाशिकची खरी खासीयत. श्रद्धा असणारे भाविक नाशिक या मंदिराच्या गावात दिवाळीत आले की हात जोडतात नि अप्रूपाने त्रिपुरी पौर्णिमेला एक पणती प्रवाहात सोडतातच...