स्वाती महाळंक

स्वाती महाळंक या लेखिका, पत्रकार, निवेदक, अनुवादक, वक्त्या, व्याख्यात्या व मुलाखतकार म्हणून विविध कामे करतात. त्या पुणे आकाशवाणी आणि दूरदर्शनवर कार्यरत आहेत. त्यांची ‘कहाणी बचतगटांची’, ‘निस्वार्थी जननेता’, ‘आम जनता आप नेता’, ‘रेडिओ जॉकी व्हायचंय’, ‘ध्येयासक्त’ अशी आठ पुस्तके प्रकाशित झाली आहेत. त्यांनी राष्ट्रपती प्रणव मुखर्जी, राज्यपाल, विविध केंद्रीय मंत्री आणि इतर मान्यवरांच्या विविध माध्यमांसाठी मुलाखती घेतल्या आहेत. त्यांच्या ‘रायबागन’ या कथेचा कर्नाटक सरकारच्या पाठ्यपुस्तकात समावेश करण्यात आला आहे.