सुनंदा अमरापूरकर
सुनंदा सदाशिव अमरापूरकर या ज्येष्ठ लेखिका आहेत. त्यांचे वयाच्या पंचावन्नव्या वर्षी पहिले अनुवादित पुस्तक प्रकाशित झाले. त्यांनी आतापर्यंत पंचवीसहून अधिक पुस्तके इंग्रजीतून मराठीत अनुवादित केली आहेत. त्यांच्या Disappearing Daughters या पुस्तकास महाराष्ट्र शासनाचा उत्कृष्ट वाङ्मय पुरस्कार व ‘मी सायुरी’ या पुस्तकास बेस्ट पब्लिकेशन पुरस्कार मिळाला आहे. त्यांचे खुलभर दुधाची कहाणी हे आत्मकथन प्रकाशनाच्या वाटेवर आहे.
सदाशिव अमरापूरकर यांचे समाजभान (Sadashiv Amrapurkar His Acting Talent And Social Consciousness)
सदाशिव अमरापूरकर यांचे व्यक्तिमत्त्व असण्यापेक्षा ‘दिसण्या’वर भाळणाऱ्या सिनेमासारख्या चंदेरी दुनियेला अजिबात मानवणारे नव्हते. त्यामुळे त्यांनी त्या जगात वावरूनही स्वत:च्या प्रतिमेपेक्षा स्वत:च्या प्रतिभेवर विश्वास ठेवला आणि रूढी-चौकटी मोडून स्वत:साठी वेगळी वाट निवडली. त्यांनी सिनेमात करियर केली. पण ते स्वत:च्या विचाराने व स्वत:च्या शैलीने जगले. त्यांनी लोकप्रियता हा सगळ्यात महत्त्वाचा गुण मानल्या गेलेल्या सद्य काळात मूल्ये महत्त्वाची मानली. ते अहमदनगर जिल्ह्याच्या शेवगाव तालुक्यातील अमरापूर गावातून आले होते...