सुमंत जुवेकर
सुमंत जुवेकर हे इलेक्ट्रिकल इंजिनीयर आहेत. ते एका अमेरिकन कंपनीत नोकरी करतात, मुंबईत विलेपार्ले येथे राहतात. ते दादासाहेब दापोलीकर या नावाने ललित लेखन करतात. ते मराठी-इंग्रजी कविताही करतात. त्यांचे लेखन विविध नियतकालिकांतून प्रसिद्ध झाले आहे. ते त्याच नावाने ब्लॉगही चालवतात.
कोळबांद्र्याच्या डिगेश्वराचा आनंदोत्सव !
भारताच्या सात लाख खेडेगावांमध्ये महादेवाचे मंदिर नाही असे गाव नसेल ! महादेवाच्या त्या मंदिरांतील भगवंताचे वैशिष्ट्य म्हणजे प्रत्येक गावातील महादेवाला वेगवेगळे नाव आहे. सद्रक्षणाय खलनिग्रहणाय असे महाराष्ट्राच्या पोलिस खात्याचे घोषवाक्य आहे. कोळबांद्रे गावातील डिगेश्वरही नेमके तेच काम करतो. गावात कोणी गरीब, आर्थिक दृष्ट्या दुर्बल माणसाला त्रास दिला तर ‘आता डिगेश्वराला नारळ देईन’ एवढे वाक्य जरी त्या गरीब माणसाने उच्चारले तरी तो दुष्ट घाबरून जातो...