सुहास बहुळकर
सुहास बहुळकर हे मोठे व्यक्तिचित्रकार म्हणून विख्यात आहेत; तसेच संशोधक-लेखक म्हणूनही. त्यांनी मोठमोठे कलाप्रकल्प हाती घेऊन ते तडीस नेले आहेत. त्यांनी कलाशिक्षण ‘जे जे’त घेतले; तेथेच दोन दशके अध्यापनाचे कामही केले. नवी दिल्लीत प्रजासत्ताक दिन संचलनात मांडल्या जाणाऱ्या त्यांनी चितारलेल्या दोन चित्ररथांना दोन वर्षे (1981) आणि (1984) सुवर्णपदके प्राप्त झाली होती. त्यांनी चित्रकलेची मोठमोठी म्युरल चित्रांकनांची कामे पार पाडली आहेत. सुहास बहुळकर यांची अनेक पुस्तके प्रसिद्ध झाली आहेत. त्यांना ‘चतुरंग’चा तीन लाख रुपयांचा जीवनगौरव पुरस्कार (2018) लाभला आहे. त्यांची पत्नी साधना याही नियतकालिकांत पस्तीस-चाळीस वर्षांपासून लिहीत आहेत.
गुणवंत नगरकर यांची वॉश टेक्निक चित्रशैली !
गुणवंत नगरकर हे ‘बॉम्बे रिव्हायव्हलिस्ट स्कूल’ या, 1920 च्या दरम्यान सुरू झालेल्या भारतीय पुनरुज्जीवनवादी कला चळवळीतील एक महत्त्वाचे चित्रकार होत. ते जे.जे.स्कूल ऑफ आर्टमध्ये अध्यापक होते. त्यांनी त्यांचे स्वत:चे चित्रकलेतील प्रावीण्य पारदर्शक जलरंगांचे थर एकावर एक देऊन निर्माण होणाऱ्या ‘वॉश टेक्निक’ पद्धतीमध्ये मिळवले. त्यांनी ‘वॉश टेक्निक’ पद्धतीतील दर्जेदार चित्रनिर्मिती केली; त्या कलाशैलीचा विकास आणि प्रचार व प्रसारही केला...