शशिकांत ओहळे
शशिकांत दत्तात्रय ओहळे हे पत्रकार. त्यांनी लोकसत्ता-तरुण भारत-युगधर्म या मराठी-हिंदी व ‘हितवाद’ या इंग्रजी दैनिकांत अमरावती येथील वार्ताहर म्हणून काम केले. कापूस उत्पादक शेतकऱ्यांच्या चळवळी, शेतकरी संघटनेची आंदोलने, जांबुवंतराव धोटे यांच्या नेतृत्वाखालील स्वतंत्र विदर्भ आंदोलन, कृषी विद्यापीठाची चळवळ अशा ठळक घटना त्यांच्या वार्तांकनाच्या केंद्रस्थानी राहिल्या. त्यांनी ‘परिवर्तन समाचार’ या स्वत:च्या दैनिकात अग्रलेखही लिहिले (1998). वऱ्हाड प्रांतातील ब्रिटिश राजवटीतील कारभार, स्वातंत्र्य चळवळ; तसेच, संस्थानांचे विलिनीकरण आणि स्वातंत्र्योत्तर काळातील राजकीय इतिहास हे त्यांच्या अभ्यासाचे विषय आहेत.
अचलपूरचे लोकनेते भाई सुदाम देशमुख
विदर्भ प्रदेश हा काँग्रेस पक्षाचा बालेकिल्ला मानला जाई. काँग्रेस पक्षाने कोणत्याही जागेवर कोठलाही उमेदवार उभा करावा, उमेदवार नसेल तर दगड उभा करावा- त्यालाही लोक निवडून देतील असे बोलले जाई ! पण काँग्रेसच्या त्या अभेद्य बालेकिल्ल्याला जणू सुरुंग लागल्याचे वातावरण लोकसभेच्या 1989 च्या निवडणुकीत निर्माण झाले होते. त्या निवडणुकीच्या केंद्रस्थानी होते, भारतीय कम्युनिस्ट पक्षाचे झुंजार नेते भाई सुदाम देशमुख ...
अचलपूरचे जिंदादिल राजकारणी माधवराव पाटील
अचलपूरचे माधवराव भगवंतराव पाटील हे महाराष्ट्र विधानसभेतील सर्वात कमी वयाचे आमदार होते. ही गोष्ट 1957 मध्ये अस्तित्वात आलेल्या महाराष्ट्र विधानसभेची. त्यांचे व्यक्तिमत्त्व राजबिंडे होते. व्यासंग प्रचंड होता. त्यांची बुद्धिमत्ता चतुरस्र चाले. त्यांचे वर्णन त्यांचे समकालीन ‘प्रेमळ हृदयाचे धनी’ असे करत...