रिचर्ड नुनीस
रिचर्ड नुनीस हे शैलीदार ललित लेखक असून कथा, कविता, खुसखुशीत एकांकिका हे त्यांचे आवडीचे लेखन प्रांत आहेत. ते मूळचे वसईचे. त्यांचे कामानिमित्त पस्तीस वर्षे परदेशात वास्तव्य (सध्या ऑस्ट्रेलियामध्ये) आहे. ते पेशाने सनदी लेखापाल आहेत. त्यांनी पालघर-वसई परिसरात बोलल्या जाणाऱ्या वाडवळी बोलीवर लिहिलेला ‘वाडवळी शब्दकोश आणि व्युत्पत्तीशोध’ हा ग्रंथ प्रकाशित आहे.
अलिबाग नावाचा शोध !
अलिबाग ह्या शहराच्या नावाची व्युत्पत्ती बायबलमध्ये सापडते ! पण इतिहासाचा प्रवास अनेकदा असा अनाकलनीय असतो. ‘उत्पत्ती’ नावाचे बायबलचे पहिले पुस्तक आहे. आदाम आणि एवा ह्यांची गोष्ट त्यात आहे. आदाम हा आदिपुरुष आणि एवा ही आदिमाता. त्यांचे दोन मुलगे म्हणजे काईन आणि आबेल. काइनने (थोरला) रागाच्या भरात आबेलचा खून केला ! बंधुप्रेम आदी मूल्ये अस्तित्वात येण्याआधीची ही गोष्ट आहे. तेव्हा राज्य द्वेषाचे होते. नंतर आदामाला अनेक अपत्ये झाली, त्यांतील सेथ हा ज्येष्ठ...