राजेंद्रप्रसाद मसुरकर
राजेंद्रप्रसाद मसुरकर यांनी 'मोटार जगत’ नावाचे मासिक 1997 साली सुरू केले, ते आता ‘इंटरनेट’वर चालते. तसेच, ‘कोकणी माणूस’ नावाचे विचारप्रवर्तक साप्ताहिक तीन वर्षें चालवले. त्यांचे ‘कन्साइज बायोग्राफिकल डिक्शनरी ऑफ एमिनंट मराठी पर्सनॅलिटी’ या इंग्रजी ग्रंथाचे - दोनशे वर्षांतील प्रमुख मराठी माणसांचा चरित्रकोश याचे लेखन चालू आहे ! ‘कोकण क्रॉनिकल’ नावाच्या ब्लॉगचे प्रासंगिक लेखन त्यांच्याकडून होत असते. त्यांनी धनंजय कीर यांच्या टिळक चरित्राचे मराठी भाषांतर केले आणि खुद्द कीर यांचीच इंग्रजी-मराठीत चरित्रे लिहिली. ते पावस-रत्नागिरीजवळच्या गोळप या गावी राहतात.
मतदान केले; लोकांचे काम संपले ! (Right to Recall is a must in Democracy)
भारत हे सर्वांत मोठे लोकशाही राष्ट्र आहे असे सर्वलोक अभिमानाने बोलतात. ‘लोकशाहीचा उत्सव’ हा शब्दप्रयोग 2019 च्या निवडणुकीपासून प्रचारात आला. त्यामुळे एक घोटाळा झाला, की निवडणुका या दिवाळी/होळीसारख्या साजऱ्या होऊ लागल्या. गेली पाऊणशे वर्षे हे चालू आहे. तरीही देशातील जनतेच्या साध्या साध्या समस्या सुटलेल्या नाहीत. ‘आम्ही तुम्हाला कशाला निवडून दिले? पुरे झाली तुमची आमदारकी/ खासदारकी! आता घरी बसा!’ असे शब्द जरी कोणाच्या ओठांवर आले तरी ते उच्चारले जाऊ शकत नाहीत, उच्चारले तरी त्यांचा काही उपयोग होत नाही. कारण एकदा निवडून दिलेल्या उमेदवारांचे प्रतिनिधित्व कोणत्याही कारणाने रद्द करण्याचे अधिकार निवडून देणाऱ्या नागरिकांच्या हातात नाहीत ...