पराग महाजन
पराग महाजन हे एक बहुआयामी व्यक्तिमत्त्व आहे. ते व्यवसायाने रेडिऑलॉजिस्ट आहेत. ते वनस्पतीतज्ज्ञ श्रीधर दत्तात्रेय महाजन यांचे चिरंजीव. त्यांना वडिलांचा वनस्पती प्रेमाचा वारसा पुढे नेताना वन्य जीवांबद्दलही प्रेम आहे. त्यातूनच त्यांनी स्वतःची Beyond Wild नावाची प्रवास कंपनी बारा वर्षांपासून यशस्वीरीत्या चालवली आहे. ते निष्णात छायाचित्रकारही आहेत. त्यांनी सहलेखक म्हणून वनस्पतीविषयक अनेक पुस्तके लिहिली आहेत.
जंगलचा कायदा ! अर्थात ‘जंगल का कानून’ (Laws of Jungle)
‘यहा जंगल का कानून नही चलेगा’, ‘जंगलराज’ किंवा कसला ‘जंगली’ माणूस आहे अशा संबोधनांनी जंगलांना आणि जंगलातील एकूणच व्यवस्थांना कोणी हिणवते, तेव्हा त्या माणसाच्या अज्ञानाची कीव करावीशी वाटते. खरे तर, जंगलांइतकी कायदा आणि सुव्यवस्था माणसांच्या दुनियेत क्वचितच पाहण्यास मिळते. मुख्य म्हणजे, जंगलातील हे कायदे-कानून गेली लाखो वर्षं अव्याहतपणे पाळले जातात...