नयना वैद्य
नयना वैद्य यांचे मराठी साहित्यावर प्रेम असल्याने त्यांनी मराठी कवितांचा विशेष अभ्यास केला. त्यांनी ख्यातनाम कवींच्या कविता सादरीकरणाचे 'कविता तुमच्या माझ्या मनातल्या', 'प्रेमयोग' असे कार्यक्रम केले. त्यांनी मराठी ज्ञानपीठ विजेत्यांचे साहित्य, त्यांच्या साहित्याचा तौलनिक अभ्यास करून, एकत्र सादर करणे आणि त्यात चाळीस सुप्रसिद्ध कलाकारांना सहभागी करून घेतले. कारगील युध्दाच्यावेळी, 'कुरुक्षेत्र ते कारगील' कार्यक्रम सादर करुन, कारगील फंडाला मदत पाठवली. त्यांनी 1857 च्या स्वातंत्र्य संग्रामावर आणि पानिपतच्या युध्दावर अनेक लेख लिहिले. त्यांनी ठाणे शहरातील पाडव्याच्या रथयात्रेवरील विषयांवर चित्ररथ निर्माण करुन सातत्याने प्रथम क्रमांक पटकावला.
रंगो बापूजी गुप्ते (Rango Bapuji Gupte)
काही नावांपुढे विशेषणे लावायची काहीच आवश्यकता नसते. रंगो बापूजी गुप्ते हे त्यापैकीच एक नाव आहे. साताऱ्याच्या गादीचे छत्रपती प्रतापसिंह यांच्यावर ईस्ट इंडिया कंपनीने केलेल्या अन्यायाविरुद्ध इंग्लंडमध्ये जाऊन सनदशीर मार्गाने लढणारे छत्रपतींचे वकील म्हणून रंगो बापूजी प्रसिद्ध आहेत. छत्रपतींच्या मृत्यूनंतर त्यांच्या वारसाचाही दावा त्यांनी लावून धरला. चौदा वर्षे लढा देऊनही अपयश आल्यावर सनदशीर मार्ग सोडून देऊन त्यांनी सशस्त्र क्रांतीचा मार्ग धरला...