मनीषा सबनीस
मनीषा सबनीस यांचे शिक्षण बी कॉम, एलएल बी, एम ए (इकॉनोमिक्स), एम ए (फिजियोथेरपी), एम एससी (इन फिजियोथेरपी अॅण्ड काऊन्सिलिंग) असे झाले आहे. त्यांनी work life balance of bank employees या विषयात डॉक्टरेट पूर्ण केली आहे. त्या अल्बर्ट एलिस विद्यापीठा (अमेरिका)च्या ‘सर्टिफाईड काऊन्सलर’ आहेत. त्यांनी बँकेत उपमहाव्यवस्थापक म्हणून काम केले आहे. त्यांचा कवितासंग्रह प्रसिद्ध आहे. त्यांनी सदरे, लेख असे स्फूट लेखन केले आहे. त्या ‘मानसिकतेसह लैंगिकता’ या विषयावर महाराष्ट्रभर कार्यशाळा/व्याख्याने घेत असतात. त्यांचा टीव्ही-आकाशवाणीवरील देशाचे अंदाजपत्रक, अर्थ विषयक सरकारच्या योजना चर्चासत्रात सहभाग असतो. त्यांनी र.धों. कर्वे यांच्या ‘समाजस्वास्थ्य’ या मासिकाचे पुनरुज्जीवन केले आहे.
गच्चीवरील गप्पा – मी कोण आहे? वगैरे (Chat on the terrace)
मनाचे स्वास्थ्य वेगवेगळ्या वयोगटांत, वेगवेगळ्या प्रसंगांत कोणाच्या शब्दाने, वागण्याने, मनात चाललेल्या संघर्षामुळे किंवा कधी असे करायला नको होते या विचारांनी विस्कटून जाते.ते जितके लपवू तितके ते अवजड होत जाते. पण जर त्या विचारांना, भावनांना तोंड फुटले तर लक्षात येते, की ‘हे फक्त आपल्या बाबतीत नाही; सगळ्यांच्याच बाबतीत असे होते.’ माणूस जितके स्वतःबद्दल बोलतो तितके ते वैश्विक असते. माणूस हे जाणतो पण तसे मोकळेपणाने बोलत नाही. ही कोंडी सोडवण्यासाठी मनीषा सबनीस यांनी पुण्यात ‘गच्चीवरील गप्पा’ असा मंच सुरु केला आहे...