ज्ञानेश्वर दमाहे
कै. ज्ञानेश्वर दमाहे हे अमरावतीचे ज्येष्ठ लेखक व इतिहासाचे अभ्यासक होते. ते आयटीआयचे डायरेक्टर होते. त्यांच्या विडंबन लेखनावर आधारित ‘टोकरभर’ हा विनोदी कथासंग्रह आणि 'अमृतवल्ली' ही पुस्तके प्रकाशित आहेत. त्यांच्या विडंबन शैलीमुळे त्यांचे लेखन विविध वृत्तपत्रांत प्रसिद्ध झाले आहे. त्यांनी निसर्ग संरक्षणासाठी बरीच पायपीट केली. ते ‘सातपुडा बचाओ अभियाना’पासून निसर्ग संरक्षणाच्या कामात सहभाग झाले होते.
बहिरम – व्यापाऱ्यांची जत्रा (Bahiram Festival – Different Perspective)
बहिरम यात्रेला विदर्भात मोठे ऐतिहासिक स्थान आहे. ते बैतुल-होशंगाबाद या जुन्या राजमार्गावर येते. तेथील यात्रेचा उल्लेख वेगवेगळ्या ठिकाणी वेगवेगळ्या संदर्भात वेगवेगळ्या प्रकारे येतो. कॅप्टन मेडोज टेलरच्या ‘कन्फेशन ऑफ ए ठग’ या पुस्तकामध्ये त्याचे काही संदर्भ सापडतात. बहिरमचे दगडी मंदिर, त्याशी जोडलेली मच्छिंद्रनाथ, गोरखनाथ यांची नावे हे सारे भारतीय संस्कृतीचा वेगळ्याच दृष्टीने विचार आणि तत्संबंधी संशोधन करण्यास भाग पाडते...