चंद्रकांत भोंजाळ
चंद्रकांत भोंजाळ हे अहिल्यानगरचे. त्यांनी एम ए ही पदवी पुणे विद्यापीठातून मिळवली. ते गेली पाच दशके लेखन करत आहेत. त्यात विविध माध्यमांसाठीही - वृत्तपत्रे-रेडिओ-टीव्ही-लेखन केले आहे. त्यांची सत्तर पुस्तके प्रसिद्ध झाली आहेत. त्यात चार पाठ्यपुस्तके आहेत. त्यातील साठ पुस्तके ही उर्दू, हिंदी व इंग्रजी भाषांतील अनुवादित आहेत. भोंजाळ यांच्या जितेंद्र भाटिया लिखित ‘प्रत्यक्षदर्शी’ या पुस्तकाच्या अनुवादित ‘साक्षीदार’ या पुस्तकाला साहित्य अकादमीचा पुरस्कार 1997 साली प्राप्त झाला आहे.
कवी द.रा. बेंद्रे : मातृभावातील दिव्यत्व (Strength of Motherhood : Marathi-Kannad bilingual Poet D...
दत्तात्रेय रामचंद्र बेंद्रे यांची मातृभाषा मराठी, पण त्यांनी ‘ज्ञानपीठ’ हा साहित्यातील अत्युच्य सन्मान कन्नड भाषेत लेखन करून मिळवला ! ते कवी होते. द.रा. बेंद्रे यांना ‘ज्ञानपीठ’ हा पुरस्कार मिळून पन्नास वर्षे पूर्ण झाली. बेंद्रे यांना ‘ज्ञानपीठ’ पुरस्काराच्या वेळी जे प्रशस्तिपत्र देण्यात आले त्यात लिहिले आहे, की “पुरस्कारपात्र ‘नाकुतन्ती’ या कन्नड काव्यसंग्रहातून वर्तमानाचे उपहासात्मक रूप, सांस्कृतिक भूतकाळाचा आणि भविष्यकाळाचा सशक्त प्रतीकांद्वारे निष्कर्ष; तसेच, स्थायी व समग्रात्मक मूल्यांचे समर्थन प्रस्तुत केले गेले आहे. बेंद्रे यांच्या काव्यात एखाद्या गोष्टीचे प्रकटीकरण व रूपांतरण करण्याची क्षमता आहे. त्यात व्यक्तीपासून समष्टीपर्यंतच्या सर्व गोष्टींचा समावेश आहे.” बेंद्रे यांच्या नंतरच्या वर्षीचा 1974 चा पुरस्कार मराठी भाषेतील लेखक वि.स. खांडेकर यांना मिळालेला आहे...