अशोक बोंडे
अशोक बोंडे हे परतवाड्याच्या सुंदराबाई कनिष्ठ महाविद्यालयाचे प्राचार्य म्हणून निवृत्त झाले. त्यांनी एम ए, बी कॉम, बी एड अशा पदवी मिळवल्या. पण नाटकवेड ही त्यांची ओळख. त्यांनी एकांकिका- तीन अंकी नाटकांतून कामे केली, त्यांचे एकपात्री प्रयोग देशी-परदेशी झाले, त्यांनी चित्रपटांत भूमिका केल्या. त्यांचे साहित्य प्रसिद्ध आहे. त्यांच्या ‘अचलपूरची नाट्यपरंपरा’ या ग्रंथास अंकूर साहित्य संघाचा विशेष संशोधन पुरस्कार मिळाला आहे.
अचलपूरच्या नाम्याची भजी आणि…
अचलपूरची म्हणून म्हणता येतील अशी मोजकी चार-पाच हॉटेल्सच आहेत/ होती ! एरवी प्रत्येक शहरात हॉटेले आणि खाण्याच्या जागा असतात, तशा त्या अचलपुरातही आहेत. त्यांचा दर्जादेखील टपरीपासून ‘फाइव्ह स्टार’पर्यंत आहे. दुल्हा गेटने अचलपुरात प्रवेश केल्याबरोबर चावलमंडीमध्ये ‘बिना’ नावाचे हॉटेल कनकुरे यांच्या नावाने, थोडेसे अंतर चालून गेले, कीपुन्हा ‘बिन’ नावाचे हॉटेल लागे. ते भुरूमल यांच्या नावाने ओळखले जाई. श्री टॉकीजच्या टेकडीवर हॉटेलवजा एक टपरी होती ती ‘नाम्याचे भजे’ या नावाने ओळखली जाई...
रमेश बाळापुरे – ना हरली जिद्द ! (Ramesh Balapure – stage actor with determination)
रमेश बाळापुरे यांचा जन्म झाला तो मुळी बाविशी नाट्यमंदिरात. रमेशला त्याच्या तरुणपणीही बाविशीचे स्टेज अनायासे प्राप्त झाले ! रमेशचे मामा लगदेमास्तर हे नाटकात कामे करत. रमेशमध्ये नाटक असे अनुवंशिकतेने उतरले होते. रमेशला निसर्गानेसुद्धा मदतच केली. त्याला प्रमाणबद्ध उंची, मोठे आकर्षक डोळे, हसरा चेहरा अशी शारीरिक संपत्ती लाभली. रमेश आणि मी नाटकातील जोडगोळी बनलो. रमेशने नाटक निवडावे- दिग्दर्शित करावे आणि मी त्यात विनोदी भूमिका करावी असा परिपाठ झाला...