अमोल कोरडे
अमोल कोरडे व्यवसायाने शेतकरी, बी एससी (कृषी). त्यांनी बोरीचे व एकूण जुन्नर तालुक्याचे सांस्कृतिक वैभव प्रकाशात आणण्याच्या कामास वाहून घेतले आहे. चार प्रकारच्या पर्यटनास चालना देण्याचा त्यांचा प्रयत्न असतो. ते ऊस पाचट जाळून होणाऱ्या पर्यावरणाचा ऱ्हास थांबवण्याचे कार्य मोठया प्रमाणात करत आहेत.
बोरी बुद्रुकचे आकर्षण सर्वांगांनी !
जुन्नर हा एकमेव पर्यटन तालुका महाराष्ट्र राज्यात मानला जातो; म्हणजे तो अनेकानेक आकर्षणांनी भरलेला आहे. तो पुणे जिल्ह्यात सह्याद्री पर्वतरांगांच्या कडेकपाऱ्यांत वसलेला आहे. जुन्नर ही छत्रपती शिवाजी महाराजांची जन्मभूमी. बोरी बुद्रुक हे निसर्गसंपन्न गाव जुन्नर तालुक्यातील कुकडी नदीच्या तीरावर वसलेले आहे. तेथे अश्मयुगाच्या खुणा सापडल्यामुळे त्या गावाच्या ऐतिहासिकतेच्या खजिन्यात अपूर्व अशी भर पडली आहे. इंडोनेशियातील ज्वालामुखीच्या उद्रेकातील राखेचे पुरावशेष डेक्कन कॉलेज यांच्या पुरातत्त्वीय संशोधनातून तेथे आढळून आले...