अमोल केरकर
अमोल केरकर या रिझर्व बँकेतून अधिकारी पदावरून निवृत्त झाल्या. त्या रिझर्व बँक ऑफ इंडिया एम्प्लॉईज असोसिएशनच्या दीर्घकाळ कार्यकर्ती आहेत. त्या स्त्री मुक्ती संघटनेच्या संस्थापक सदस्यही आहेत. त्यांचा विविध जनचळवळींशी संबंध आहे. त्या स्त्री मुक्ती संघटनेच्या ‘प्रेरक ललकारी’ या मासिक मुखपत्राच्या संपादक- मंडळ सदस्य आहेत. त्या ‘प्रेरक ललकारी’ मासिकात जगभरातील विविध घटना, समस्या, प्रवाह व त्यांच्या राजकीय, सामाजिक, आर्थिक पैलूंचा आढावा घेणारे सदर पस्तीस वर्षापासून नियमित लिहितात. त्यांचे ‘जागतिक सत्ताकारण- एक दृष्टिक्षेप’ हे पुस्तक ‘ग्रंथाली’तर्फे प्रकाशित झाले आहे.
स्त्री मुक्ती संघटना (Stree Mukti Sanghatana)
स्त्री मुक्ती संघटना गेली 48 वर्षे महाराष्ट्रात कार्यरत आहे. सातत्याने विविध उपक्रम राबवून संघटनेने विविध स्तरातील स्त्रियांच्या आयुष्यात गुणात्मक फरक केला आहे. पंचवीस वर्षे स्त्री मुक्ती संघटनेच्या उपाध्यक्ष आणि 2018 पासून त्या संघटनेच्या सेक्रेटरी असलेल्या अमोल केरकर या लेखात स्त्री मुक्ती संघटनेच्या उद्दिष्टांविषयी आणि वाटचालीविषयी विस्ताराने सांगत आहेत. संस्थेच्या 48 वर्षांच्या कामाविषयी असल्यामुळे लेख काहीसा दीर्घ आहे. मात्र संस्थेच्या वाढीसाठी केलेले विविध उपक्रम या लेखामुळे इतर संस्थांनाही मार्गदर्शक ठरतील असे आहेत. अमोल केरकर यांना बँक कर्मचाऱ्यांच्या चळवळीत काम करण्याचाही दीर्घ अनुभव आहे. त्यांच्यासारख्या मृदू स्वभावाच्या आणि चिकाटीने काम करणाऱ्या कार्यकर्तीचे अनुभव आणि विचार महत्त्वाचे आहेत...