विश्वास वसेकर
विश्वास वसेकर हे लेखक, संपादक आणि मराठीचे माजी प्राध्यापक आहेत. त्यांनी परभणी येथील नूतन महाविद्यालयात पस्तीस वर्षे अध्यापन केले. ते महाराष्ट्र शासनाच्या 'जीवन शिक्षण' मासिकाच्या संपादक मंडळात आणि चित्रपट सल्लागार समितीत सदस्य म्हणून कार्यरत होते. त्यांनी किस्त्रीम, किर्लोस्कर, स्त्री, मनोहर या दिवाळी अंकांचे सहाय्यक संपादक म्हणूनही काम केले. त्यांची कविता, ललित गद्य, विनोद, विडंबन, समीक्षा, उर्दू साहित्य, बालसाहित्य, कादंबरी अशी बावन्न पुस्तके प्रकाशित झाली आहेत. त्यांच्या दोन पुस्तकांना महाराष्ट्र शासनाचा उत्कृष्ट वाङ्मयनिर्मिती पुरस्कारही मिळाला आहे.
ऋतु बरवा : सहा ऋतूंचे सहा सोहळे… ( Rutu Barwa – ...
वातावरणातील ऋतुचक्र सूर्याच्या दक्षिणोत्तर गतीमुळे निर्माण होते. म्हणजे ऋतू सूर्यसंक्रांतीवर अवलंबून असतात. ती वस्तुस्थिती महाभारत काळातदेखील माहीत होती. असे असताना, दुर्गाबाईंनी चांद्रमासांवर आधारित ऋतुचक्र का लिहिले हा मला पडलेला प्रश्न आहे... ऋतुचक्राचा मेळ चैत्र, वैशाख वगैरे चांद्रमासांशी बसत नाही. मी मराठवाड्याच्या रखरखीत पठारावर जन्मलो. अठ्ठावन्न वर्षे तिकडेच काढली. पुण्याला आलो तो येथील झाडांच्या ओढीने. पुणे हे सर्वाधिक वृक्षविविधता असलेले, अतिशय वृक्षसमृद्ध असे शहर आहे हे मला वाचून माहीत होते. येथे सह्याद्री आहे. चार नद्या आणि सात धरणे आहेत...