विजय तोरो
विजय तोरो हे कोकण कृषी विद्यापीठातील एम एससी, पीएच डी आहेत. पशुसंवर्धन व दुग्धशास्त्र हा त्यांचा संशोधन व अध्यापनविषय. त्यांनी कोकणातील दूध उत्पादनवाढीसाठी प्रभावी तंत्रज्ञान विकसित केले. त्यांची शेतकऱ्यांसाठी भाषणे दूरदर्शन व आकाशवाणीवर झाली आहेत. त्यांनी तशा प्रकारचे लेखनही केले आहे. त्यांनी दापोली परिसरातील महत्त्वाच्या वास्तू व अन्य बाबी या संबंधातही लेखन केले आहे- भाषणे दिली आहेत. त्यांचे वास्तव्य सध्या सांगलीस असते.
दापोलीचे केशवराज मंदिर (Dapoli’s unique Keshavraj Temple)
केशवराज मंदिर हे दापोलीचे मोठे आकर्षण आहे. त्याला धार्मिक व भाविक असे महात्म्य लाभले आहेच; त्याबरोबर, पर्यटनाच्या दृष्टीनेही ते ठिकाण विलोभनीय वाटते. मंदिरातील विष्णुमूर्ती सुंदर आहे. त्या विष्णुमूर्तीच्या हाती शंख, चक्र, गदा, पद्म या आयुधांच्या धारण करण्याच्या क्रमावरुन चोवीस प्रकार पुराणात (अग्नी, पद्म, स्कंद) सांगितलेले आहेत...