शीला वागळे
शीला वागळे या ठाण्यात राहतात. त्या पदवीधर आहेत. त्यांनी टेक्सटाइल डिझाईनरचा अभ्यासक्रम पूर्ण केलेला आहे. त्या टेक्सटाइल डिझायनर म्हणून लग्नाआधी व्यवसाय करत होत्या. लग्नानंतर, त्यांनी नव्वद मुलांची बालवाडी सत्तावीस वर्षे चालवलेली आहे. त्यांना ओरीगामी, विविध माध्यमांमध्ये पेंटिंग, वाचन, लेखन, कविता करणे असे छंद आहेत. त्या आचार्य अत्रे कट्टा नौपाडा या संस्थेशी बावीस वर्षांपासून जुडलेल्या आहेत. तसेच, त्यांचा फोटो सर्कल सोसायटी, सिग्नल शाळा, फॅण्ड्री फाऊंडेशन, केअर फॉर नेचर, वनवासी कल्याण आश्रम या संस्थांशीही जवळचा संबंध आहे.
थॅलेसेमियासाठी साथ ट्रस्ट (Saath Trust For Thalassemia)
सुजाता चेतन रायकर या ‘थॅलेसिमिया’ या रक्ताच्या गंभीर आजाराविषयी जनजागृती करतात आणि तो आजार झालेल्या निवडक मुलांचे पालकत्व घेऊन त्यांना सर्वतोपरी ‘साथ’ देण्याचे काम करतात. त्यांच्या म्हणण्याप्रमाणे, थॅलेसिमियाविषयी जनजागृती करणे हाच प्रतिबंधात्मक उपाय त्या आजारावर आहे. कारण त्या रोगप्रसाराचा लग्न या विषयाशी घनिष्ट संबंध आहे. त्याकरता सुजाता शाळा-महाविद्यालयांत जाऊन मुलांशी गेली दहा वर्षें संवाद साधतात. त्यांना रक्ततपासणीस व रक्तदानासही प्रवृत्त करतात...