सतीश शिंदे
सतीश शिंदे हे भारतीय सैन्यदलात समुपदेशक म्हणून पठाणकोट येथे नोकरीत आहेत. त्यांचे पदवी शिक्षण मायक्रोबायलॉजीत झाले. त्यांनी दिल्लीच्या मिलिटरी कॉलेजमधून क्लिनिकल सायकोलॉजी विषयाची पदवी मिळवली. त्यांना गडकिल्ले हिंडण्याफिरण्याचा व तत्संबंधी माहिती जमवण्याचा छंद आहे. त्यांनी ‘पर्णालपर्वतग्रहानाख्यान’ (जयराम पिंडे कृत) व अलिजाबहाद्दर महादजी शिंदे (बॅ. नातू कृत) पुस्तकांचे पुनर्प्रकाशन केले आहे. त्यांनी ‘बा रायगड’ व ‘बा रायगडवारी’ ह्या दुर्ग रायगडावर लिहिलेल्या अंकांचे संपादन केले. त्यांनी ‘दुर्गभ्रमणगाथा’ ही संस्था निर्मिली आहे.
रुक्ष, ओसाड बरड : पालखीचा तेवढा विसावा ! (Barren Barad)
माणूस ज्या भूमीत, ज्या गावात-खेड्यात जन्मला त्या भूमीचा एकेक कण त्याला काशी, गया, मथुरा ह्यासम पवित्र-पावन असतो. तेथील काटेरी बोरीबाभळींना त्याच्या हृदयी पाईन-देवदारपेक्षाही वीतभर जास्तच उंची लाभलेली असते ! गाववेशीवरील म्हसोबा, वेताळ अन बिरोबा ही तर त्याची खरीखुरी ज्योतिर्लिंगे असतात ! बरड हे माझे गाव माझ्यासाठी प्रेमाचे तशा प्रकारे आहे. अन्यथा बरड गाव नावाप्रमाणे वैराण, उजाड आहे. ते सातारा जिल्ह्याच्या पूर्वेकडे आहे. ते गाव पुणे-पंढरपूर ह्या राज्य महामार्गावर फलटणपासून पूर्वेस अठरा किलोमीटर अंतरावर आहे...