सरोजा भाटे

सरोजा भाटे या संस्कृत भाषेच्या विदुषी म्हणून ओळखल्या जातात. त्या पुणे येथे राहतात. त्या पुणे विद्यापीठामध्ये संस्कृत आणि प्राकृत विभागात प्राध्यापक आणि विभागप्रमुख म्हणून कार्यरत होत्या. त्यां भांडारकर इन्स्टिट्यूटच्या मानद सचिव होत्या. त्या वाई प्राज्ञपाठशाला मंडळाच्या अध्यक्ष आहेत. त्यांचा पाणिनीय व्याकरण हा अभ्यासाचा विषय आहे. त्यांची त्या विषयावर पुस्तके प्रकाशित झाली आहेत. त्यांचे संस्कृत सुभाषितांचे मराठी आणि इंग्रजी भाषेत केलेले तीन भाषांतरित संग्रह पुणे विद्यापीठाने प्रसिद्ध केले आहेत. त्यांनी संस्कृत साहित्य आणि व्याकरण या विषयाचा व्यासंग असलेल्या अनेक विद्यार्थ्यांना मार्गदर्शन केले आहे.