संजीवनी साव
संजीवनी नागनाथ साव यांचे शिक्षण एम ए बी एड असे झाले आहे. त्यांनी अध्यापक म्हणून माध्यमिक शाळेत सव्वीस वर्षे काम केले. त्यांना वाचन-लेखन व पर्यटन यांची आवड आहे. त्यांचे लेखन विविध नियतकालिकांत प्रसिद्ध झाले आहे. त्या मुख्यतः कविता करतात.
वर्ध्याचे पुलगाव : माझे माहेरगाव (Pulgaon of Wardha – My childhood)
माझे पुलगाव हे माझ्या जिवाभावाचे गाव. या गावाशी असलेले माझे नाते अजोड आहे. माझ्या आयुष्यातील महत्त्वाचे टप्पे त्या गावाने पाहिले आहेत. माझे लहानपण, शिक्षण, लग्न या महत्त्वपूर्ण दिवसांचे ते साक्षीदार आहे. म्हणूनच पुलगाव सोडून पन्नास वर्षे झाली तरी त्या गावाशी असलेली माझी नाळ तुटलेली नाही. त्या गावाने मला आयुष्यभराचा लळा लावला आहे. ‘सेंट्रल अॅम्युनेशन डेपो’ हे पुलगावचे वैशिष्ट्य आहे. त्या डेपोमुळे गाव प्रसिद्धीच्या झोतात आले...