नारायण भुजंग
नारायण कौतिकराव भुजंग हे जालन्याचे चाळीस वर्षांचे शिक्षक. ते एम ए, बी एड शिकलेले आहेत. ते शेतकरी कुटुंबातून शिकून शिक्षक झाले. त्यांची नोकरी जालन्याच्या लोकमान्य विद्यालयात आहे. ते इंग्रजी विषय शिकवतात. त्यांनी विवेकानंदांच्या विचारांनी भारावून जाऊन किन्होळा या गावी स्वामी विवेकानंद आश्रमाची स्थापना केली. त्यांचा त्यांची पत्नी व दोन मुले असा संसार जालना शहरात आहे.
किन्होळा : जालन्यातील शिक्षकांचे गाव
किन्होळा हे हे गाव डोंगराच्या पायथ्याशी वसलेले आहे. या गावामध्ये जवळजवळ पस्तीस व्यक्ती शिक्षक या पदावर असून ‘शिक्षकांचे गाव’ अशी या गावाची ख्याती पंचक्रोशीत आहे. मात्र असे शैक्षणिक वातावरण गावात कशामुळे निर्माण झाले हे सांगता येत नाही. पण यांतील बरीच घरे दोन पिढ्या तरी शिक्षकी पेशात आहेत. गावाला सांस्कृतिक परंपरा लाभली आहे...