नंदन पाटील
नंदन पाटील हे विरार येथील ज्येष्ठ लेखक आहेत. ते अण्णासाहेब वर्तक स्मारक विद्यामंदिर शाळेचे निवृत्त शिक्षक आहेत. त्यांनी शिक्षण, सहकार, सामाजिक, राजकीय व साहित्य क्षेत्रात विविध सन्माननीय पदे भूषवली. ते विरारच्या सोमवंशी क्षत्रिय समाज मंडळाचे संस्थापक अध्यक्ष, तसेच जीवदानी देवी ट्रस्टमध्ये विश्वस्त व अध्यक्ष होते. त्यांची ‘नन्नाचा पत्रपाढा’, ‘हिरवे स्वप्न’ अशी पंधरा पुस्तके प्रकाशित आहेत. त्यांचे विविध वृत्तपत्रे व नियतकालिकांमधून लेखन प्रकाशित झाले आहे. ते कोकण मराठी साहित्य परिषदेच्या पालघर जिल्हा मंडळाचे अध्यक्ष होते.
विराट विरार
विरार या एकेकाळी लहानशा असलेल्या गावाचे विराट नगरीत रूपांतर झाले आहे. हा लेख साधारणत: पाऊणशे वर्षांपूर्वीच्या विरारच्या गतस्मृतींमध्ये वाचकाला रमवतो. त्यावेळचे गावपण, परस्परांविषयीचा आपलेपणा व माणुसकीचा गहिवर, संस्कृतीच्या पाऊलखुणा झरझर डोळ्यांसमोरून तरळून जातात. भेदभावरहित अशी ती गावे शिक्षणाच्या विस्फोटाने, शहराच्या बंदिस्त जीवनशैलीने, आधुनिक सुविधा आणि श्रीमंतीने हरवून गेली आहेत...