मुकुंद धाराशिवकर
मुकुंद धाराशिवकर हे सिव्हिल इंजिनीयर होते. त्यांनी अभियांत्रिकी क्षेत्रात सल्लागार म्हणून अडतीस वर्षे व्यवसाय करुन साठाव्या वर्षी स्वेच्छानिवृत्ती घेतली. त्यांचे कादंबरी, कथा, नाटक, कविता, व्यक्तिचित्रण अशा ललित विषयांसह पाणी व स्थापत्यशास्त्रासंबंधी अनेक लेख प्रकाशित झाले. तसेच त्यांची एकवीस पुस्तकेही प्रकाशित झाली आहेत. ते भारतीय जलसंस्कृती मंडळाचे उपाध्यक्ष होते. त्यांच्या प्रयत्नांतून ‘समर्थ धुळे जिल्हा 2020’, ‘वेध उद्याच्या विकासाचा’ आणि ‘प्रगतीच्या पाऊलवाटा’ अशा महत्त्वपूर्ण खंडाची निर्मिती झाली.धाराशिवकर हयात नाहीत.मीरा धाराशिवकर 9420 377 694
वराहमिहीर: भूगर्भजलाचा पहिला अभ्यासक (Varahmihir – Groundwater Scientist of India’s history)
वराहमिहीर (सन 487 ते 550) हा विचारवंत, पर्यावरणतज्ज्ञ व निष्णात ज्योतिषी उज्जैनच्या (मध्यप्रदेश) परिसरात होऊन गेला. त्याचा ‘बृहत्संहिता’ हा अतिप्रसिद्ध असलेला ग्रंथ. त्यातील गर्भलक्षणाध्याय, गर्भधारणाध्याय, प्रवर्षणाध्याय आणि दकर्गलाध्याय असे चार अध्याय ‘पाणी’ ह्या विषयासंबंधी विस्तृत माहिती देतात.