माधुरी दाणी
माधुरी विलास दाणी फलटण येथे राहतात. त्यांचे एम ए, नेट, पीएच डी असे शिक्षण झाले आहे. त्या फलटणच्या मुधोजी महाविद्यालयातून प्राध्यापक म्हणून निवृत्त झाल्या आहेत. त्यांची ‘मराठी व्याकरण : सुलभ आणि सोपे’, ‘उपयोजित मराठी: सुलभ आणि सोपे’, ‘ओवी आईची’, ‘शब्द संपदा’ अशी पुस्तकेही प्रसिद्ध झाली आहेत. त्या फलटणच्या ‘ओंकार वृद्धाश्रमा’त उपाध्यक्ष, तर ‘जन कल्याण समिती’च्या ‘फिरती विज्ञान प्रयोगशाळा’च्या सदस्य आहेत.
फलटणचे दीडशे वर्षांचे वाचनालय (Phaltan public library celebrates 150 years of its foundation)
फलटण संस्थानामध्ये एकोणिसाव्या शतकात वाचनालयाची स्थापना झाली. ती कामगिरी संस्थानचे अधिपती मुधोजीराजे नाईक-निंबाळकर यांची. तेव्हा तिला ‘नेटिव्ह जनरल लायब्ररी’ असे म्हटले गेले. स्थापना दिन आहे 9 ऑगस्ट 1870. म्हणजे लायब्ररीला दीडशे वर्षे होऊन गेली आहेत. तालुका पातळीवरील वाचनालय हे त्या काळी अप्रूप होते. मुधोजीराजांनी दोन हजारांपेक्षा अधिक ग्रंथ वाचनालयात संग्रहित केले. ते जुने ग्रंथ हे त्या वाचनालयाचे वैशिष्ट्य ठरले आहे. ते ग्रंथ जतन करण्यात आले आहेत...