कौस्तुभ साठे
कौस्तुभ साठे ठाण्यात राहतात. ते एम एससी (फिजिक्स) शिकलेले आहेत. ते ‘जॉन्सन अॅन्ड जॉन्सन’ या कंपनीमध्ये ‘पोर्टफोलिओ मॅनेजर’ आहेत. त्यांनी अनेक क्षेत्रांतील चार हजार सहाशेहून अधिक स्वाक्षऱ्या गेल्या पंचवीस वर्षांत संग्रहित केल्या आहेत. त्यांच्या पत्नी योगिनी साठे या टीजेएसबी बँकेत असिस्टंट ब्रांच मॅनेजर म्हणून काम करतात.
नाना साठे प्रतिष्ठान : पुढे नेण्यासाठी वारसा (Passing on the legacy)
आजकालच्या धकाधकीच्या जीवनात स्वतःचे घर, स्वतःची नोकरी आणि व्यवसाय या परिघाबाहेर सहसा कोणी जात नाही, कारण ते सारे एकत्रितपणे सांभाळणे हीच तारेवरची कसरत असते ! परंतु या विधानाला काही अपवाद असतात. ठाण्यातील कौस्तुभ साठे हे त्यांपैकी एक. ‘जॉन्सन अॅन्ड जॉन्सन’ या कंपनीमध्ये ‘पोर्टफोलिओ मॅनेजर’ या पदावर कार्यरत असणाऱ्या कौस्तुभ साठे यांचे त्यांच्या समाजकार्याबद्दलचे हे मनोगत...