कार्तिकी विजय नांगरे
कार्तिकी विजयकुमार नांगरे या अहमदनगर जिल्ह्याच्या नेवासा येथील श्री ज्ञानेश्वर महाविद्यालयात सहाय्यक प्राध्यापक आहेत. त्यांनी एम ए, बी एड, पी एचडी (मराठी) असे शिक्षण घेतले आहे. त्यांना '1980 नंतरची ग्रामीण कविता' या विषयावर पुणे विद्यापीठाची पीएचडी पदवी प्राप्त झाली आहे. त्यांच्या कविता कवितारती, व्यासपीठ, सत्याग्रही विचारधारा यांसारख्या नियतकालिकांमधून प्रसिद्ध झाल्या आहेत. प्रशांत मोरे यांनी संपादित केलेल्या 'माय अर्थात आईच्या कविता' या प्रातिनिधिक कवितासंग्रहात 'वाट पाहते माऊली' या कवितेचा समावेश करण्यात आला आहे.
वावटळ : ग्रामीण दुःखाचे वास्तव चित्रण (Vavtal – Representative Poetry collection of rural life)
‘वावटळ’ हा प्राध्यापक द.के. गंधारे यांचा पहिला काव्यसंग्रह कवितेच्या दालनात आत्मविश्वासाने प्रवेश करतो. ‘वावटळ’मधील कविता ग्रामीण वास्तवाला साक्षात करते. काटेवनाची मोठी अरण्ये जागतिकीकरणानंतर झाली आहेत. त्यांतील अडचणींच्या वावटळींनी अक्राळविक्राळ रूप धारण केले आहे. तीच वावटळ गंधारे यांच्या कवितेतून साकार झाली आहे. कवी बालपणापासून ग्रामीण जीवनाशी एकरूप झालेला आहे. त्यामुळे त्याच्या अनुभवांनी त्याच्या कवितांत प्रातिनिधिक रूप धारण केले आहे...