जयराज साळगावकर
जयराज साळगावकर हे लेखक आणि उद्योजक आहेत. ते ‘कालनिर्णय’ या दिनदर्शिकेचे सहसंस्थापक, संपादक, प्रकाशक व कार्यकारी संचालक आहेत. त्यांनी वाहतुकीदरम्यान होणारे ध्वनिप्रदूषण रोखण्यासाठी OREN ह्या ध्वनिमापन यंत्राच्या पेटंटसाठी अर्ज केला. ते अर्थ विषयाचे जाणकार अभ्यासक मानले जातात. त्यांचे तसे बरेच लेखन प्रसिद्ध आहे. त्याखेरीज त्यांची अजिंक्य योद्धा बाजीराव, सारस्वतांचा संक्षिप्त इतिहास, कर्झनकाळ, नवा गुटेनबर्ग अशी पुस्तके प्रसिद्ध झाली आहेत. त्यांना आणि त्यांच्या पुस्तकाला अनेक पुरस्कार मिळाले आहेत. त्यांनी गिर्यारोहणाचे प्राथमिक प्रशिक्षण पूर्ण करून हिमालयावर दोन मोहिमा केल्या.
अर्थशास्त्राचे आद्य चार ग्रंथ (The first four books of Economics In Marathi)
मराठीतील अर्थशास्त्राविषयीचे पहिले चार ग्रंथ 1843 ते 1855 या दरम्यान, म्हणजे 1857 च्या स्वातंत्र्ययुद्धापूर्वी आणि कंपनी सरकारचा अंमल जाऊन ब्रिटिश पार्लमेंटचा भारतावर अंमल येण्याआधी लिहिली गेली आहेत. मुंबई विद्यापीठ 1857 साली स्थापन झाले. त्यापूर्वी मराठीतून ज्ञानाचा प्रसार करण्यासाठी निसर्गविज्ञानाची व मानवविज्ञानाची पुस्तके लिहिणारे लेखक त्यांच्या काळातील ज्ञान मराठीतून लोकांना देत होते ! या चार ग्रंथांमध्ये अर्थशास्त्राविषयी मांडलेले विचार, त्या काळात मराठी वाचकांना फार नवे होते...