गज आनन म्हात्रे
गज आनन म्हात्रे हे करावेगावाचे रहिवासी. त्यांची कथा, कादंबरी, काव्यसंग्रह अशी दहा पुस्तके प्रकाशित झाली आहेत. तसेच, त्यांनी तीन आगरी नाटके लिहिली आहेत. ते नवी मुंबईची – संतपरंपरा-इतिहास-ग्रामदेवता-ज्ञानेश्वरीतील आगरी भाषासौंदर्य या विषयांवर व्याख्याने देतात. त्यांचे सहाशेहून अधिक लेख वर्तमानपत्रे/मासिके यांत प्रसिद्ध झाले आहेत. त्यांचा अनेक सामाजिक चळवळींत सहभाग असतो. त्यामुळे त्यांना विविध संस्थांचे पुरस्कार मिळाले आहेत. ते नवरंग साहित्य मंडळ, भुमिपुत्र सामाजिक प्रतिष्ठान, रंगधनु प्रकाशन/नाट्यसंस्था अशा अनेक संस्थांचे अध्यक्ष आहेत.
करावेगावाचे झाले सीवूड
करावेगाव हे ठाणे जिल्हा आणि ठाणे तालुका यांच्या दक्षिण टोकाला आहे. गावाच्या पश्चिमेस ठाणे खाडी तर दक्षिणेस पनवेल खाडी येते. करावेगाव हा संपूर्ण आगरी समाजाचा गाव होता. ते लोक खाडीत मासेमारी करत असत. तेथे कोलंबी, बोईस, चिंबोरी, जिताडा, कोत, पाला असे चवदार मासे आणि खेकडे मिळत. गावकरी कष्टकरी होते. ते चारपाच मैल अंतर सहज कशासाठीही चालत जात असत. करावेगावाच्या पाठीमागून ‘पाम बीच’ हायवे गेला आहे. सिडको प्रशासनाने बेलापूर आणि करावेगाव यांच्यामधील खाडीकिनारी आधुनिक जेटी तयार केली आहे. तेथून खाडीमार्गे जलवाहतूक होईल असे अपेक्षित आहे. करावेगावाच्या ईशान्य भागात ‘सीवूड’ रेल्वेस्थानक आहे...