चांगदेव काळे
चांगदेव काळे यांचे शिक्षण बी ए, एल एल बी, डिप्लोमा इन जर्नालिझम असे झाले आहे. त्यांची बारा पुस्तके प्रकाशित झाली आहेत. त्यात कथा, कादंबऱ्या, कविता आहेत. काही पुस्तके - आशाळभूत, सुभेदार, नूरजहान, खुदराई, राखुळी, घण,घाव आणि ऐरण. ते ठाणे जिल्हा ग्रंथालय संघाचे अध्यक्ष तसेच विविध ग्रंथालय चळवळीशी जोडलेले कार्यकर्ते आहेत. त्यांनी अनेक एकांकिका आणि स्वलिखित नाटके सादर केली आहेत. त्यांचा दूरदर्शन आणि आकाशवाणीवरील विविध कार्यक्रमांत सहभाग असतो.
गोपीनाथ पाटील : ठाणे-कळव्याचे ध्यासपर्व (Gopinath Patil’s dedicated work for Kalawa area)
ठाण्याजवळच्या कळवा गावचे गोपीनाथ पाटील हे ध्येय व ध्यास घेऊन सार्वजनिक जीवनात वावरले. त्यांच्या कार्यासाठी त्यांचे परवलीचे सूत्र होते, सहकार ! तेच कार्यसूत्र, खरे तर, स्वातंत्र्योत्तर काळातील संस्था, उपक्रम यांच्या स्थापनेत होते. गोपीनाथ यांच्यामुळे अनेक उपक्रम स्वतःच्या पायावर कळवा परिसरात भक्कमपणे उभे आहेत. ती त्यांच्या कार्याची पावती होय.
ते ज्या कळवा गावात राहत होते ते गाव ठाणे या शहराला लागून असूनसुद्धा अनेक सुविधांपासून दूर होते. कळवावासीयांना दैनंदिन व्यवहारिक गरजा भागवण्यासाठी ठाण्याची वाट तुडवण्याला पर्याय नव्हता. कळव्यातील ते अंधारयुग नष्ट करण्यासाठी आंतरिक तळमळीने उभे राहिले ते गोपीनाथ पाटील. त्यांच्या सार्वजनिक कार्यातून उभ्या राहिल्या अनेकानेक संस्था...