मनोहर बागले


संपर्क : manojbagle@rediffmail.com

976 921 3911

मनोहर पिरन बागले हे कल्‍याण येथे राहतात. ते 'महाराष्‍ट्र राज्‍य विद्युत पारेषण कंपनी'मध्‍ये अतिरिक्‍त कार्यकारी अभियंदा पदावर काम करतात. त्‍यांना ऐतिहासिक ठिकाणांना भेट देणे आणि त्‍यावर लेखन करणे आवडते.


आकाशवेडे हेमंत मोने

(6 प्रतिक्रीया) आपण जेथे राहतो तेथे किंवा त्याच्या आजूबाजूला छंदाने वेडावलेल्या व्यक्ती असतात पण ते आपल्याला माहीत नसते. आता, माझेच बघा ना! मी ‘मोहन रिजेन्सी (कल्याण)’ येथे गेली नऊ वर्ष राहतो. पण इतक्या काळानंतर, मी जेथे राहतो तेथून चार- पाच सोसायट्या सोडल्यानंतर ‘गोकुळ विहार’मध्ये एक आकाशवेडे राहतात असे मला अलिकडे समजले आणि अचंबाच वाटला! त्यांचे नाव आहे हेमंत वासुदेव मोने. ते व्यवसायाने शिक्षक. ते कल्याणच्या ‘अभिनव विद्यामंदिर’मध्ये नोकरी करत. त्यांचा शिकवण्याचा विषय विज्ञान आणि गणित. त्यांचा मुख्य छंद आकाशदर्शन. मोनेसरांना आकाशाविषयी आकर्षण ग्रॅज्युएट होईपर्यंत फारसे नव्हते आणि तत्संबधी जास्त माहितीही नव्हती.